Түлхүүр үг (keyword) гэдэг нь хэрэглэгчид Google, Bing зэрэг хайлтын системд оруулан хайдаг үг, өгүүлбэр юм. SEO-нд KW нь — танай вэбсайт ямар асуултын хариу болохыг хайлтын систем рүү хэлэх "хэлмэрч"-ын үүрэг гүйцэтгэдэг. Сайн KW сонгох 3 шалгуур: 1) хайлтын тоо (search volume) — сард хэдэн хүн хайдаг, 2) хүндрэлийн зэрэг (KD — Keyword Difficulty 0-100) — өрсөлдөгчид хэр хүчтэй, 3) хэрэглэгчийн зорилго (search intent) — мэдээ хайж байна уу, худалдан авч байна уу. Webhiine агентлаг Google SEO үйлчилгээ-нд KW судалгааг бүрэн гүйцэт хийж клиентүүдээ органик хандалтаар хангадаг.
Түлхүүр үг гэж юу вэ? Хэрхэн олох вэ?
Хайлтын системийн оновчлол хийж буй тохиолдолд түлхүүр үгийн судалгаа нэг номерийн чухал ач холбогдолтой. Ямар түлхүүр үгэн дээр оновчлохоо мэдэхгүй бол үр дүнгээ хэмжих боломжгүй шүү дээ. Гэхдээ судалгаа сайн байсан ч техникийн хувьд оновчтой вэбсайт хийх үйлчилгээ авч буулгаагүй бол Google дээр эрэмбэлэгдэхэд хүндрэлтэй.
Өөрөөр хэлбэл Таны Вэбсайт “Онлайн тасалбар” гэдэг үгээр Гүүглэ дээр эрэмблэгдэхийг хүсэж байна гэж бодоё. Харин энэхүү түлхүүр үгийг хүмүүс
- Гүүглэ дээр хайлт хийхдээ ашигладаг эсэх
- Сард хэдэн удаа хайгддаг эсэх
- Энэ түлхүүр үгийн өрсөлдөөн өндөр эсвэл бага эсэх
зэргээр хэрэглэгч ямар түлхүүр үгээр хайлт хийдгийг судлах нь чухал юм. Таны бизнест мөнгө болох түлхүүр үг байхад таны бизнесийг таниулах ч түлхүүр үгүүд бий. Түлхүүр үг болгон өөрийн гэсэн онцлогтой. Түлхүүр үгийн судалгаа бол дижитал маркетингийн үндэс бөгөөд контент, сошиал болон бусад сувгуудтай хослуулж ашигладаг.
Түлхүүр үгс олох аргууд
- Гүүглэ хайлт ашиглах
- Гүүглэ Трэнд ашиглах
- Бусад Төлбөрт Платформууд
1. Гүүглэ хайлт ашиглах:
Энэ бол хамгийн энгийн арга юм. Та Гүүглийн хайлт дээр үгээ бүтэн бичээд зай аваад үзээрэй. Тэгвэл Гүүглэ таньд автоматаар түлхүүр үгнүүдийг хамгийн их хайлттайгаас бага руу жагссан байдалтай үзүүлдэг.
Мөн хайлт хийсний дараа тухайн түлхүүр үгтэй холбоотой асуултуудыг гаргаж ирдэг. Энэ нь хүмүүс Гүүглэ дээрээс ихэвчлэн хайгддаг асуултууд юм. Түүнээс гадна хайлт хийсний дараа Гүүглийг хуудасны хамгийн доод хэсгийг үзвэл тухайн хайлттай холбоотой хүмүүсийн ихээхэн хайдаг үгсийг танд харуулдаг.
2. Гүүглэ Трэнд ашиглах
Гүүглэ Трэнд ашиглах – Энэ нь Гүүглээс бидэнд санал болгож буй трэнд үгсийн цахим номын сан юм. Тухайн цаг үед шинээр хит болон гарч ирж буй үгс болон нийтлэг өргөн хэрэглээний түлхүүр үгсийг эндээс хараад мэдэж болно.
3. Бусад Төлбөрт Платформууд:
Эдгээр платформууд төлбөрийн хувьд янз бүр байхаас гадна гаргаж ирж буй мэдээллийн үнэн зөв эсэх нь ялгаатай байдаг. Миний мэдэх хамгийн сайн түлхүүр үгс хайх платформ, вэбсайтуудыг доор бичээд үлдээе.
Эдгээр платформууд таньд цоо шинэ үүд хаалгыг нээж өгөх болно. Ганц түлхүүр үгс санал болгоод зогсохгүй SEO шаардлагатай бусад багажийг ч бас санал болгох болно.